Наурыздың 14-і күні «Тілім менің – тірлігімнің айғағы» атты қазақ тілі мен әдебиеті апталығы мен Наурыз мейрамы төңірегінде пән мұғалімі Мукажанова Г.Е. 4-сыныптармен «Қызықты қазақ тілі» атты сыныптан тыс іс-шарасын өткізді. Мақсаты: тіл тазалығын сақтау, мәдениетті сөйлеу, ой өрісін дамыту, ана тіліне сүйіспеншілігін қалыптастыру, мемлекеттік тіл мәртебесін көтеруге атсалысуға шақыру. Іс-шара барысында оқушылар өздерінің білімдерін сынады, білгендерін ортаға салды. Сонымен қатар сөздік қорларын байытып, тіл байлығын арттырды.
