2023 жылдың 22 желтоқсанында Смирнов №1 орта мектебінің оқушылары Бескөл ауылында 9-11 сыныптар арасында (қоғамдық-гуманитарлық бағытта) жалпы білім беретін пәндер бойынша олимпиаданың облыстық турына қатысты. Олимпиаданың мақсаты – еліміздің ауылдық жерлеріндегі мектеп оқушыларының дарындылығын қолдау, оқуға қабілетті оқушыларды іріктеу, олардың зияткерлік дамуы мен кәсіби бағдар беруі үшін оңтайлы жағдай жасау.
Бұл білім беру жобасы ауылдан келген оқушыларға беделді университеттерге түсуге көмектесу үшін жасалған.
Жеңімпаздар дипломдармен марапатталады, ал 3-кезеңнен өткен қатысушылар республикалық сырттай оқу мектебіне қабылданады.
Бірінші дәрежелі диплом иегерлері жалпы білім беретін пәндер бойынша республикалық олимпиаданың қорытынды кезеңіне одан әрі қатысу үшін 2024 жылдың ақпан айында өтетін оқу-жаттығу жиындарына шақырылады.
Қатысушыларымызға сәттілік тілейміз!!
Ауылдық олимпиада
